آرٹ جي دنيا ۽ سنڌ جو نوجوان
اسما چنا -بي ايس(3)-21
دنيا جي اندر ڪيترن ئي قسم جا شعباجات موجود آهن.جنهن ۾ فن يا ڪلاڪاري وارو شعبو به سر فهرست آهي يا کڻي اينئن چئجي ته هر فرد يا کڻي هر انسان اندر هڪ ڪلاڪار موجود هوندو آهي.جيڪو هن ڌرتي تي اک کولڻ کان وٺي انسان جي آخري ساھ جي سڳي تائين موجود هوندو آهي.اهو ئي انسان انهي آرٽسٽ واري ڪارنامي کي سرانجام ڏئي پنهنجون پنهنجون تخليقون ايجاد ڪري ٿو.عام طور تي ڏٺو وڃي ته فن جي سڃاڻپ اڪثر تصوير نگاري يا پينٽنگ سان لڳائي ويندي آهي.پر اتي فن جو خاتمو ناهي ٿيندو .ڪلا کي هڪ قدرتي وسيلو به چئي سگهجي ٿو ڇاڪاڻ جو ان جي دنيا ايڏي وسيع هوندي آهي جنهن کي پرکڻ ويهجي ته شايد پنهجي جياپي جو خاتمو ٿي سگهي ٿو,پر فن واري دنيا جو جي پڄاڻي نٿي ٿي سگهي.جيڪڏهن لفظي معني جي حوالي سان ڏٺو وڃي ته ته فن کي گلوڪاري,هنر يا موسيقي جو نالو به ڏئي سگهجي ٿو.هر انسان جي اندر موجود سٺيون ۽ بريون عادتن کي به ڪلا جي دنيا ۾ شامل ڪيو وڃي ٿو.انسان جي پنهجي پروردگار يا ٻي ڪنهن آدم ئي اولاد سان محبت به هڪ قسم جي ڪلاڪاري ۾ شامل ٿئي ٿي.يا کڻي ائين چئجي ته اهڙي صلاحيت جيڪو پنهنجو پاڻ کي سڃاڻن يا پنهجو پاڻ کي ڪنهن ٻئي سان ملائڻ واري صلااحيت کي ظاهر ڪري يا ان کي ٻئي ڪنهن کان منفرد ڪري ان کي هڪ قسم جو فن به چئي سگهجي ٿو.سٺي سوچ ۽ ان جي اصولن تي ويچار ڪرڻ به ڪلاڪاري جي هنر ۾ اچي ٿو.
فارسي ٻولي جي صوفي شاعر جلال الدين رومي جو ڪلا جي مطابق هڪ قول آهي ته فن اهو ناهي ته جيڪو توهاڻ پاڻ پنهجي اندر تلاش ڪريو بلڪه ٻيا ماڻهو توهان جي اندر ڇا ٿا ڏسن ان کي فن يا ڪلا چيو ويندو آهي.انهي فن ڪاريگري يا کڻي ڪلا واري دنيا جو جائزو ورتو وڃي ته مختلف قسم جا فن ظاهر ٿيندا آهن.هڪ فرد جڏهن پنهنجي اندر جي آس کي لفظن جي صورت ۾ آڻي پيش ڪري ٿو ته شاعر جڏهن ته انهن ئي لفظن کي هڪ منظر ڪشي جي صورتحال ۾ آڻي پنهنجي سرن جا ساز پکيڙي ته هڪ گلوڪار جي صورت ۾ اڀري سگهي ٿو.
انهي فن ڪلا يا ڪاريگري کي ۾ اسان جو رجحان ڪافي حد تائين وڌي رهيو آهي.خاص طور تي اسان جي نوجوانن جو هر وڌندڙ قدم فن هنر واري دنيا ڏانهن وڌي ٿو.جيڪو شاعري,گلوڪاري,اداڪاري,رقص يا کڻي تصوير نگاري جي صورت ۾ ظاهر ٿئي ٿو.موسيقي جهڙو نازڪ ترنم اسان جي ڪلاڪاري واري دور ۾ تمام گهڻو پسند ڪيو وڃي ٿو.اها ئي وجه آهي جو پرڏيه جي طور طريقن کي اپنائڻ اسان جي نوجوانن جي اولين ترجيح رهي آهي.انهي ڳاله جو اندازو اسان جي سنڌ جي تعليمي درسگاهن ۾ موجود ڪلاڪاري جي شعبن توڙي سينٽرن مان لڳائي سگهجي ٿو. اهڙي ئي فن ۽ ڪلاڪاري واري سينٽر آف ايڪسيلينس آرٽ اينڊ ڊيزائن ڄامشورو گذريل سال جي پڇاڙي ۾ مختلف شاگردن ۽ شاگردياڻين پاران بهترين ڪلاڪاري ۽ تصوير نگاري جا جوهر ڏيکاريا ويا هئا.پنهجي ٿيسز واري ڪم ۾ مختلف نوجوانن مجسما ٺاهي,تصورين جا پوسٽر توڙي عمارتن جا بهترين نظارا ڏيکاريا جيڪي سڄي ملڪ توڙي دنيا جي ٻين ملڪن مان آيل ڪلاڪارن جي نگاهن جا مرڪز بڻيا.پنهنجي ٿيسز واري ڪم کي بهتر نموني سان پيش ڪري ڪلا جي شاگردن پنهنجي هنر ۾ سچي محبت ۽ لڳاء جو ساراه جوڳو ثبوت ڏنو.ان ڳاله مان اهو اندازو لڳائي سگهجي ٿو ته ڪلا واري هنر کي نه صرف اسان جا نوجوان بلڪه هر فرد پسند ڪري ٿو.تصوير نگاري ۾ عابده پروين,شيخ اياز ۽ فيض احمد فيض جا مجسما ماڻهن جي پسند جو ثبوت پڻ ڏئي رهيا هئا.ان ڳاله سان اهو واضع ٿئي ٿو ته سنڌ جي نوجوانن جو ڪلا جي دنيا ڏانهن لاڙو گهڻي تيزي سان وڌي رهيو آهي.ان کان علاوه ڏٺو وڃي ته فن انسان اندر حساسيت جا ڳڻ اڄاڳر ڪري ٿو ڇاڪاڻ جو فن کي هڪ مڪمل شڪل ۾ آڻڻ ادب جي حصي ۾ اچي ٿو.اهو ئي ادب جڏهن انسان جي اندر جنم وٺي ٿو ته ان جا خيالات گهرائي وارو رستو اختيار ڪري ڄاڻ حاصل ڪندا آهن جيڪا ڄاڻ ڪلاڪاري ذريعي دنيا آڏو آڻين ٿا.
No comments:
Post a Comment