Umair Profile BS

نام : عمیر احمد مضمون : پروفائل
کلاس : بی ایس پارٹ 3 رول نمبر : 2k16/MC/110
عمران بروحی
ہر انسان کا دنیا میں آنے کا ایک مقصد ہوتا ہے اگر انسان اپنے اٌس مقصد کو پہچانے ذور محنت کرے تو یہی مقصد مستقبل میں اس کی کامیابی کی پہچان بن جاتا ہے۔ہر شخص کو دنیا میں کامیابی حاصل نہیں ہوتی کامیابی اٗن چند لوگوں کو حاصل ہوتی ہے جو اسے حاصل کرنے کے لیے دن رات جدوجہد کرتے ہیں بنا کسی چیز کی پروا کیے انہیں بس اپنے مقصد کو حاصل کرنے کا جنون ہوتا ہے۔ہر شخص کسی نہ کسی صلاحیت کا حامل ہوتا ہے،ضرورت ہے تو اس صلاحیت کو پہچاننے کی،لوگ اپنے اندر چھپی صلاحیت کو جان کر اپنے مقصد کی جانب رواں دواں ہو جاتے ہیں ایسی دنیا میں بہت سی مثالیں موجود ہیں۔
عمران بروحی 1 اکتوبر 1963 کو پاکستان کے شہر حیدرآباد میں پیدا ہوئے۔ عمران بروحی نے اپنی کرکٹ کا آغاز ساو?تھ زون کی جانب سے 1982۔1981 میں کیاجس میں انہوں نے ولس کپ میں تین میچ کھیلے۔یہ واحد میچ تھا جس میں ساؤتھ زون کی خصوصیات دیکھی گئی۔ عمران بروحی نے دائں ہاتھ سے بلے بازی کرتے ہوئے کراچی کے خلاف کوئی رن اسکور نہیں کر سکے تھے۔ دوسرے میچ میں انہوں نے تیرا رن بنائے جبکہ تیسرے میچ میں یہ کوئی رن نہ بنا سکے۔ 
عمران بروحی نے 1984 تک کسی اونچی سطح پر میچ میں حصہ نہیں لیا۔ عمران بروحی اپنی کارکردگی سے بہت مایوس تھے وہ جانتے تھے کہ ان خامیوں کے ساتھ آگے نہیں بڑھا جا سکتا لہٰذا انہوں نے اپنی خامیوں پر غور کیا اور 1985 میں حیدرآباد کی طرف سے ایک روزا ٹورنامنٹ پریزیڈینٹ ٹرافی کے نام سے کوئٹہ کے خلاف کھیلا گیا جس میں عمران بروحی 40 رن بنا کر سرِ فہرست رہے۔
اپنی اس محنت کو جاری رکھتے ہوئے عمران بروحی 1990 میں ملاوی چلے گئے جہاں انہوں نے 1994 اور 1997 آیؑ ۔سی۔سی ٹرافی میں ایسٹ اور سینٹرل افریقہ کیلئے کارکردگی پیش کی۔اس ٹرافی کا انعقاد کینیا میں کیا گیا تھا جس میں ساٹھ مختلف ملکوں کی ٹیم شامل تھیں۔ سنگاپور کے خلاف کھیلتے ہوئے عمران بروحی نے اپنی زندگی کے سب سے زیادہ 141 رن بنائے۔ان کی اس محنت نے ہی ایسٹ اور سینٹرل افریقہ کو ٹورنامنٹ کی پہلی جیت سے ہم کنار کیا۔
عمران بروحی 1994 کے ٹورنامنٹ میں سب سے زیادہ رن بنا کر دوسرے نمبر پر رہے۔ 33 سال کی عمر میں عمران 1997 آئی۔سی۔سی ٹرافی کے لیے ایسٹ اور سینٹرل افریقہ کے کپتان منتخب ہوئے۔ اس ٹرافی کا انعقاد ملیشیا میں کیا گیا تھا۔
عمران بروحی اب عمر کے 54 ویں حصہ میں داخل ہو چکے ہیں اور انہوں نے کرکٹ کی دنیا کو چھوڑ کر اپنی زندگی میں مصروفیات اختیار کر لی ہیں۔ میری دعا ہے کہ اللہ تعالیٰ انہیں ہمیشہ آباد رکھیں۔

Umair Ahmed Feature Urdu BS

Make it reporting based. This is all secondary data

نام : عمیر احمد خان کلاس : BS-III

رول نمبر: 2K16/MC/110 مضمون: فیچر 

نیاز اسٹیڈیم

سندھ کے دوسرے بڑے شہر حیدرآباد میں واقع نیاز کرکٹ اسٹیڈیم کا شمار پاکستان کے بین الاقوامی طرز کے کرکٹ گراؤنڈ میں ہوتا ہے۔ حیدرآباد کرکٹ اسٹیڈیم کا نام نیاز احمد کے نام پر رکھا گیاجو کرکٹ سے بے انتہالگاؤ رکھتے تھے ۔ نیاز اسٹیڈیم ۱۹۵۹ء کو تعمیر کیا گیا ۔ یہ اسٹیڈیم انڈس ہوٹل کے سامنے واقع ہے ۔ ابتداء میں افتتاحی میچ ساؤتھ زون اور پاکستان ایجوکیشن کے درمیان ۱۹۶۲ء میں کھیلا گیا ۔ صرف پانچ ٹیسٹ میچ حیدرآباد نیاز اسٹیڈیم کے مقام پر کھیلے گئے جن میں سے دو انگلینڈ اور دو نیوزی لینڈ کے خلاف اور ایک انڈیا کے خلاف کھیلا گیا ۔

سب سے پہلا ٹیسٹ میچ ۱۹۷۳ء میں انگلینڈ کے خلاف کھیلا گیا جو کسی نتیجے پر نہ پہنچ سکا اور بناء کسی نتیجے کے ختم ہوگیا ۔ حیدرآباد نیاز اسٹیڈیم میں آخری ٹیسٹ نیوزی لینڈ کے خلاف نومبر ۱۹۸۴ء میں کھیلا گیا ۔ نیاز اسٹیڈیم کو یہ اعزاز بھی حاصل ہے کہ پاکستان جب بھی نیاز اسٹیڈیم میں ٹیسٹ میچ کے لئے اترا ہمیشہ جیت سے ہمکنار ہوا۔ ون ڈے انٹرنیشنل میں بھی نیاز اسٹیڈیم نے یہ اعزاز برقرار رکھا ۔

۱۹۸۷ء کا وہ دن بھی تاریخ کا حصہ ہے کہ جب پاکستان اور سری لنکا کے درمیان ورلڈ کپ کھیلا گیا جس سے ۱۵۰۰۰سامعین لطف اندوز ہوئے ۔ سب سے پہلا ون ڈے میچ ۱۹۸۲ء میں نیاز اسٹیڈیم میں آسٹریلیا کے خلاف کھیلا گیا ۔ اس ون ڈے میں جلال الدین نے اسی اسٹیڈیم میں ہیٹ رِک کا اعزاز حاصل کیا ۔ جب کہ آخری انٹرنیشنل ون ڈے ۱۹۸۷ء میں سری لنکا کے خلاف کھیلا گیا جس کے بعد سہولیات موجود نہ ہونے کے باعث کرکٹ کی سرگرمی میں کمی آگئی ۔ معجزانہ تبدیلی ۲۰۰۷ء میں رونما ہوئی جب پاکستان بورڈ نے اسٹیڈیم کی مرمت کرائی اور سہولیات فراہم کیں ۔ جس کے بعد ایک روزہ میچ زمبابوے کے خلاف ۲۰۰۷ ء میں کھیلا گیا ۔ 

گراؤنڈ کی موجودہ صورتحال 

نیاز اسٹیڈیم کی موجودہ صورتحال انتہائی نا گزیر معلوم ہوتی ہے سامعین کے بیٹھنے کی جگہ ٹوٹ پھوٹ کا شکار ہے ۔ اس کے علاوہ گراؤنڈ انکلوژر خستہ حالی کا شکار ہے ۔ کھلاڑیوں کے لئے موجود ڈریسنگ روم کی حالت بھی ڈھکی چھپی نہیں ۔نیازاسٹیڈیم کی عمارت کا جائزہ لینے پر یہ انتہائی پرانی معلوم ہوتی ہے ۔ انتظامیہ بھی اسٹیڈیم کی اس حالت پر خاموش ہے ۔ نیاز اسٹیڈیم کو بین الاقوامی طرز کے گراؤنڈ ز سے موازنہ کیا جائے تو اس اسٹیڈیم میں ایک الیکٹریکل اسکرین بھی موجود نہیں ۔ گراؤنڈ کے آس پاس موجود کچرہ انتظامیہ کی کارکردگی پر سوالیہ نشان ہے ۔ حال ہی میں بہت سے بین الاقوامی ٹیسٹ میچ کے کھلاڑیوں نے حیدرآباد آنے سے یہ کہہ کر انکار کر دیا کہ یہاں فائیو اسٹار ہوٹل کی سہولت موجود نہیں۔ پاکستان بورڈ کی طرف سے ایک اہم قدم پی۔ایس۔ایل کی شکل میں اُٹھایا گیا ہے ، ممکن ہے کہ پی۔ایس۔ایل پاکستان کے مستقبل کے لئے امید کی کرن ثابت ہو اور پاکستان میں بین الاقوامی کرکٹ ایک بار پھر بحال ہوسکے ۔

Umair Ahmed Article BS

FIle name, subject line are not proper

کچرے کا ڈ ھیر

یہ آرٹیکل ہے؟ یا کچھ اور۔ ؟ اس پر لکھیں،

اپنا نام، رول نمبر، کلاس بھی

اعداد وشمار کہاں سے لائے؟ سورس لکھیں۔ 

اپنے آس پا س دیکھنے پر معلوم ہوتا ہے کہ یہاں ایک دو نہیں بلکہ کئی مسئلے ہیں ۔سماجی مسئلوں میں سے ایک بڑا مسئلہ کچرے کا ڈھیر بھی ہے جو جگہ جگہ دیکھنے کو ملتا ہے ۔کچرے کا مسئلہ آج کا نہیں بلکہ کئی سالوں پرانا ہے ۔صفائی انسان کی عزت کو محفوظ رکھتی ہے جبکہ گندگی انسان کی عزت و عظمت کی بد ترین دشمن ہے۔ لوگوں کی استعمال کردہ اشیاء کو استعمال کرنے کے بعد ایک جگہ پھینکنے سے جو ڈھیر جمع ہوتا ہے وہ کچرا/غلاظت کی شکل اختیار کر لیتا ہے۔ جگہ جگہ کچرے کے ڈھیر سے مختلف بیماریاں پیدا ہوتی ہیں جو لوگوں کی پریشانی کا باعث بنتی ہیں۔ حال ہی فروری2017 ؁ء میں کراچی میں ایک واقعہ پیش آیا تھا کہ جب رات کو کچرے کے ڈھیر میں لگنے والی آگ کا دھواں ایک گھر میں داخل ہوگیا تھا جس کے نتیجے میں دم گھٹنے سے دو بچے زندگی کی بازی ہار گئے تھے اور موت سے جا ملے ۔کچرے میں آگ کسی نے جان بوجھ کر لگائی یا کسی کی غلطی کی وجہ سے بھڑکی بہر حال ایک خاندان صدمے سے دوچار ہوگیا۔ اس حادثے کا ذمہ دار کس کو ٹھہرایا جائے اُن لوگوں کو جو ہر ماہ تنخواہ تو لیتے ہیں مگر اپنی ذمہ داری قبول نہیں کرتے۔ ایسا بھی ہوتا ہے یہ لوگ ہفتوں تک اپنی شکل نہیں دکھاتے اور جب ایسے واقعات رونما ہوتے ہیں تو ایک دوسرے پر الزام تراشی کرکے اپنی جان چھڑا لیتے ہیں۔ 

GHMC(بلدیہ) کے پاس کچرا اُٹھانے والی سو سے زائد گاڑیاں موجود ہیں ۔جن میں سے چھیالیس کی حالت چلنے والی نہیں۔ یہ بھی افسوس کا مقام ہے کہ ہم ضائع کردہ اشیاء کو اب تک کچرا ہی سمجھتے ہیں جبکہ یہ ایک بہت بڑا ذریعہ ہے جس کو مختلف طریقوں سے استعمال میں لایا جا سکتا ہے۔ کچرے کو دو حصوں میں تقسیم کیا گیا ہے Organic اورInorganic۔ Organic وہ جو کھانے پینے اور کچن سے ضائع کردہ اشیاء ہوتی ہیں اور Inorganicسے مراد پیپر ، پلاسٹک ، میٹل وغیرہ ہیں ۔ پاکستان جسیے ملک میں Organic اشیاء کا ضیاع زیادہ ہے جس کو کھاد میں تبدیل کیا جا سکتا ہے۔ مختلف باغات بنائے جا سکتے ہیں اور اس کے ذریعے ہمارے زرعی نظام کو بھی فائدہ حاصل ہو سکتا ہے بہت سی ایسی چیزیں ہیں جنہیں ہم کچرا سمجھ کر پھینک دیتے ہیں اپنی اہمیت کی حامل ہیں حیدرآباد ایک دن میں پانچ ہزار ٹن کچرا جنریٹ کرتا ہے ایک ہفتے میں 35,000ایک مہینے میں150,000ٹن اور ایک سال میں ایک کروڑ بیاسی لاکھ پچاس ہزار ٹن کچرا جنریٹ کرتا ہے ۔ جس کو جلا کر اتنی بجلی پیدا کی جا سکتی ہے جو بجلی کے بحران کے خاتمے کے لئے کافی ہوگی ۔ میں نے تو چند طریقے بیان کئے لیکن کچرے کے استعمال کے اور بھی بہت سے طریقے ہیں۔

کچرا اُٹھانا اور صفائی کا خیال رکھنا بلدیہ کی ذمہ داری ہے لیکن ایک اچھے شہری ہونے کے لحاظ سے یہ ذمہ داری ہمارے گھر سے ہم سے بھی شروع ہوتی ہے ۔ مجھے بڑا تعجب ہوا کہ جب میں نے کچھ نوجوانوں کو (ایکٹیو سٹیزن) کے طور پر صفائی کرتے دیکھا مجھے افسوس ہوتا ہے یہ دیکھ کر کہ ایک شہری صفائی پسند بھی ہے لیکن صرف اپنے گھر کی حدود تک ۔ ہر شہری کو بغیر کسی کا انتظار کئے اپنا قدم بڑھانا ہوگا ۔ اِسے لوگوں کی خوش فہمی کہیں یا کم عقلی کہ لوگ سمجھتے ہیں کہ ان کے گھر سے کچرا گیا تو اب ان کا مسئلہ نہیں جبکہ کچرا پھینک کر کچرے کا ڈھیر لگانا ہمارا ہی مسئلہ ہے ۔ ہمارے دین نے بھی صفائی کا درس دیا ہے جس طرح ہم اپنے جسم ، لباس، استعمال ہونے والی چیزیں اور گھر کو صاف ستھرا رکھتے ہیں اِسی طرح اپنے علاقے اور محلے کو بھی صاف ستھرا رکھنا ہماری اخلاقی ذمہ داری ہے۔

عمیر احمد خان

2K16/MC/110